ബഹ്റൈൻ കേരളീയ സമാജത്തിന്റെ നേതൃത്വത്തിൽ നടപ്പാക്കി വരുന്ന അശരണർക്ക് ഉള്ള ഭവന പദ്ധതിയിൽ, സമാജം നിർമ്മിച്ചു നൽകുന്ന ഇരുപത്തിനാലാമത്തെ വീടിന്റെ നിർമ്മാണോദ്ഘാടനം ജനുവരി 10 ന് ( വെള്ളിയാഴ്ച ) ഉച്ചക്ക് 2 മണിക്ക് ബഹ്റൈൻ കേരളീയ സമാജം പ്രസിഡന്റ് ശ്രീ പി വി രാധാകൃഷ്ണപിള്ള , മുളങ്കുന്നത്ത് കാവ് പ്രസിഡണ്ട് ബിന്ദു ബെന്നി ,വാർഡ് മെമ്പർ ശ്രീമതി മേരി ഗ്രെസി എന്നിവരുടെ മഹനീയ സാനിധ്യത്തിൽ ബഹുമാനപ്പെട്ട എം എൽ എ അനിൽ അക്കര നിർവ്വഹിച്ചു.
ബഹ്റൈൻ കേരളീയ സമാജം ടൈലോസ് അക്കാദമിയുമായി സഹകരിച്ചാണ് ഈ വീട് നിർമ്മിച്ചു നൽകുന്നതിനുള്ള സാമ്പത്തിക സ്രോദസ്സ് സംഘടിപ്പിക്കുന്നത്. തൃശ്ശൂർ ജില്ലയിൽ മുളങ്കുന്നത്ത് കാവ് പഞ്ചായത്തിലെ സാജൻ എന്നവരുടെ നിർദ്ധന കുടുംബത്തിനാണ് സമാജം വീട് വച്ച് നൽകുന്നത്