ബഹ്‌റൈൻ കേരളീയ സമാജം ഫിലിം ക്ലബ്ബിന്റെ ആഭിമുഖ്യത്തിൽ ശ്രീനി ഹാസ്യത്തിന് വിട. .! എന്ന പേരിൽ അന്തരിച്ച പ്രശസ്ത ചലച്ചിത്രകാരൻ ശ്രീനിവാസൻ അനുസ്മരണ യോഗം സംഘടിപ്പിച്ചു. കഴിഞ്ഞ ദിവസം സമാജം ബാബുരാജൻ ഹാളിൽ വെച്ചു ചേർന്ന യോഗത്തിൽ കേരളീയ സാമാജം പ്രസിഡന്റ് പി വി രാധാകൃഷ്ണപിള്ള അധ്യക്ഷത വഹിച്ചു, ശ്രീനിവാസനെക്കുറിച്ച് ഫിലിം ക്ലബ്ബ്‌ നിർമ്മിച്ച ഡോക്യൂമെന്ററി വീഡിയോ പ്രദർശനത്തോടെ ആരംഭിച്ച അനുസ്മരണ പരിപാടിയിൽ ജനറൽ സെക്രട്ടറി വർഗ്ഗീസ് കാരക്കൽ സ്വാഗതവും വൈസ്പ്രസിഡന്റ് ദിലീഷ് കുമാർ നന്ദിയും രേഖപ്പെടുത്തി, മധ്യവർത്തി സമൂഹത്തിന്റെ കഥപറഞ്ഞു മലയാളിയുടെ മനസ്സിൽ ചിരപ്രതിഷ്ഠ നേടിയ അതുല്യ കലാകാരനായിരുന്നു ശ്രീനിവാസൻ എന്ന് അധ്യക്ഷ പ്രസംഗത്തിൽ സമാജം പ്രസിഡന്റ് പി വി രാധാകൃഷ്ണപിള്ള അഭിപ്രായപ്പെട്ടു. ദിനേശ്, ഇ എ സലീം, അനീഷ് നിർമലൻ ,
ഫിറോസ് തിരുവത്ര പ്രവീൺ നായർ, എസ് വി ബഷീർ, സമാജം വനിതാവിഭാഗം സെക്രട്ടറി ജയ രവികുമാർ,അജികുമാർ സർവാൻ എന്നിവർ അനുസ്മരണ യോഗത്തിൽ സംസാരിച്ചു. സമാജം ഭരണസമിതിഅംഗങ്ങൾക്കൊപ്പം ഫിലിം ക്ലബ്ബ് കൺവീനർ അരുൺ ആർ പിള്ള, സൂര്യ പ്രകാശ്, മറ്റ് ഫിലിം ക്ലബ്ബ്‌ അംഗങ്ങളും പരിപാടികൾക്ക്‌ നേതൃത്വം നൽകി. ബിജു എം സതീഷ് ചടങ്ങുകൾ നിയന്ത്രിച്ചു.

ബഹ്‌റൈൻ പ്രവാസലോകത്തെ സജീവ സാന്നിധ്യമായിരുന്ന മുൻ പ്രവാസിയും മുൻ സമാജം ഇൻഡോർ ഗെയിംസ് സെക്രട്ടറിയുമായിരുന്ന പി പി സുകുമാരന് കൈത്താങ്ങായി ബഹ്‌റൈൻ കേരളീയ സമാജത്തിന്റെ (ബി.കെ.എസ്) ഭവന നിർമ്മാണ പദ്ധതിയിൽ  വീട് നിർമ്മിച്ച് നൽകിയത്. വീടിനാവശ്യമായ ഭൂമി വിലയ്ക്ക് വാങ്ങി നൽകിയാണ് നിർമ്മാണം പൂർത്തിയാക്കിയത്.

 നാലപ്പത് വർഷക്കാലത്തോളം ബഹ്‌റൈനിൽ പ്രവാസിയായി ജീവിച്ചിട്ടും
ജീവിതത്തിന്റെ സായാഹ്നത്തിൽ വലിയ കട ബാധ്യതയും സ്വകാര്യനഷ്ടങ്ങളും വെല്ലുവിളി ഉയർത്തിയ സമയത്താണ് സമാജം  മുൻ സമാജം മെമ്പറും ഇൻഡോർ ഗെയിംസ് സെക്രട്ടറിയുമായിരുന്ന പ്രവാസി പി പി സുകുമാരന് ആശ്വാസമായി സമാജം രംഗത്തെത്തിയത്.


സമാജം പ്രസിഡന്റ് പി.വി. രാധാകൃഷ്ണപിള്ളയുടെ അധ്യക്ഷതയിൽ നടന്ന താക്കോൽദാന ചടങ്ങിൽ മുൻ പ്രതിപക്ഷ നേതാവ് രമേശ് ചെന്നിത്തല വിശിഷ്ടാതിഥിയായി പങ്കെടുത്തു.

 കേരളത്തിലെ വിവിധ ക്ഷേമപ്രവർത്തനങ്ങളിൽ മാതൃകാപരമായ പങ്കുവഹിക്കുന്ന പ്രസ്ഥാനമാണ് പി.വി. രാധാകൃഷ്ണപിള്ളയുടെയും വർഗീസ് കാരയ്ക്കലിന്റെയും നേതൃത്വത്തിൽ പ്രവർത്തിക്കുന്ന സമാജമെന്ന് അദ്ദേഹം അഭിപ്രായപ്പെട്ടു.
കേരളത്തിന്‌ വെളിയിൽ പ്രവർത്തിക്കുന്ന മലയാളി സംഘടനകൾക്ക് മാതൃകയാക്കാവുന്ന ശൈലിയാണ്  ബഹ്റൈൻ കേരളീയ സമാജത്തിന്റെ  പ്രവർത്തനഘടനയെന്നും തന്റെ നിയോജകമണ്ഡലമായ ഹരിപ്പാട് മണ്ഡലത്തിൽ തന്നെ രണ്ട് വീടുകളാണ് പി വി രാധാകൃഷ്ണപിള്ള യുടെ നേതൃത്വത്തിൽ നിർമ്മിച്ചു നൽകിയതെന്നും അദ്ദേഹം പറഞ്ഞു.
 ബഹറൈൻ മലയാളികളുടെ ഏത് പ്രതിസന്ധിയിലും കൂടെ നിൽക്കുന്നതാണ് ബി കെ എസിന്റെ സവിശേഷതയെന്നും, പി പി സുകുമാരന് വീട് നിർമ്മിച്ചു നൽകുന്നതിൽ മുൻ ബഹ്‌റൈൻ പ്രവാസികൾ നൽകിയ സഹകരണത്തെ നന്ദിയോടെ സ്മരിക്കുന്നതായും  പി വി രാധാകൃഷ്ണപിള്ള അഭിപ്രായപ്പെട്ടു.

 

അശരണരും അർഹരുമായ പ്രവാസികൾക്കായി സമാജം നടപ്പിലാക്കുന്ന ചാരിറ്റി പ്രവർത്തനങ്ങളിൽ ഏറ്റവും ശ്രദ്ധേയമാണ് ഭവന പദ്ധതി. ഇതുവരെ 35 ഓളം വീടുകൾ ഈ പദ്ധതിയിലൂടെ പൂർത്തിയാക്കി നൽകിയതായി പി.വി. രാധാകൃഷ്ണപിള്ള അറിയിച്ചു.


 രോഗബാധയും കടബാധ്യതയും മൂലം പ്രയാസപ്പെടുന്ന നിരവധി പേരാണ് സഹായത്തിനായി സമാജത്തെ സമീപിക്കുന്നത്. നിലവിൽ ഏതാനും വീടുകളുടെ നിർമ്മാണത്തിനുള്ള പ്രാരംഭ നടപടികൾ പുരോഗമിക്കുകയാണെന്നും അദ്ദേഹം കൂട്ടിച്ചേർത്തു.

In anticipation of Bahrain's 54^th  National Day, the Bahrain Kerala Samajam, one of the oldest and largest expatriate clubs on the island, is set to pay a grand tribute through a spectacular painting competition. The event, scheduled for December 16th, will take place at the club premises in Segaya.

CLICK TO REGISTER

 ബഹ്‌റൈന്റെ 54-ാമത് ദേശീയ ദിനാഘോഷത്തിനോടനുബന്ധിച്ചു ബഹ്‌റൈൻ കേരളീയ സമാജം 'ഇലസ്‌ട്ര 2025' എന്ന പേരിൽ മെഗാ ചിത്രകലാ മത്സരം സംഘടിപ്പിക്കുന്നു. 2025 ഡിസംബർ 16-ന് സമാജം ഡയമണ്ട് ജൂബിലി ഹാളിൽ വെച്ചാണ് മത്സരം നടക്കുക .
​ 3 വയസ്സുമുതൽ 17 വയസ്സുവരെയുള്ള കുട്ടികൾക്കായി അഞ്ച് ഗ്രൂപ്പുകളായാണ് മത്സരം ഒരുക്കിയിരിക്കുന്നത്.
2025 ഡിസംബർ 10 അടിസ്ഥാനമാക്കി
3-5 വയസ്സുവരെ ഉള്ള കുട്ടികൾ ഗ്രൂപ്പ് ഒന്ന്
6-8 വയസ്സുവരെയുള്ള കുട്ടികൾ ഗ്രൂപ്പ് രണ്ട്
9-11 വയസ്സുവരെയുള്ള കുട്ടികൾ ഗ്രൂപ്പ് മൂന്ന്
12-14 വയസ്സുവരെയുള്ള കുട്ടികൾ ഗ്രൂപ്പ് നാല്
15-17 വയസ്സുവരെയുള്ള കുട്ടികൾ ഗ്രൂപ്പ് അഞ്ച്
എന്നിങ്ങനെയാണ് തിരിച്ചിരിക്കുന്നത്.
1-2 ഗ്രൂപ്പിലുള്ളവർക്ക് ഒരു മണിക്കൂർ.
ഗ്രൂപ്പ് മൂന്നിൽ ഉള്ളവർക്ക് ഒന്നര മണിക്കൂർ,
4-5 ഗ്രൂപ്പിൽ ഉള്ളവർക്ക് രണ്ടു മണിക്കൂർ വരെ സമയമാണ് അനുവദിച്ചിരിക്കുന്നത്.
3-5 ഗ്രൂപ്പിൽ ഉള്ളവർക്ക് ചിത്ര രചനാ വിഷയം മത്സരം തുടങ്ങുന്നതിനു മുമ്പ് നൽകുന്നതാണ്.
1-2 ഗ്രൂപ്പിലുള്ളവർ രാവിലെ പത്തരക്കും
3-5 ഗ്രൂപ്പിലുള്ളവർ രാവിലെ എട്ടരക്കും റിപ്പോർട്ട് ചെയ്യേണ്ടതാണ്.

​ ​വിജയികൾക്ക് ക്യാഷ് പ്രൈസ് ഉൾപ്പെടെ ട്രോഫികളും സർട്ടിഫിക്കറ്റുകളും ലഭിക്കും. കൂടാതെ തിരഞ്ഞെടുത്ത മികച്ച ചിത്രങ്ങൾക്ക് പ്രോത്സാഹന സമ്മാനങ്ങളും നൽകുന്നതാണ്.

ദേശീയദിന ആഘോഷം വർണ്ണാഭമാക്കുന്നതിന്
ചിത്രകലാ പ്രേമികളായ എല്ലാവരെയും സ്വാഗതം ചെയ്യുന്നതായി സമാജം പ്രസിഡൻറ് പി വി രാധാകൃഷ്ണപിള്ള,
ജനറൽ സെക്രട്ടറി വർഗീസ് കാരയ്ക്കൽ,
കലാ വിഭാഗം സെക്രട്ടറി
നിയാസ് ഇബ്രാഹിം
എന്നിവർ വാർത്താക്കുറുപ്പിൽ അറിയിച്ചു.
​കൂടുതൽ വിവരങ്ങൾക്കും രജിസ്‌ട്രേഷനും വേണ്ടി ജനറൽ കൺവീനർ ബിനു വേലിയിൽ (3944 0530), ജോയിന്റ് കൺവീനർമാർ ആയ ജയരാജ് ശിവദാസൻ (3926 1081), റാണി രഞ്ജിത്ത് (3962 9148), രജിസ്‌ട്രേഷൻ കൺവീനർ രേണു ഉണ്ണികൃഷ്ണൻ (3836 0489) എന്നിവരുമായി ബന്ധപ്പെടാവുന്നതാണ്.
മത്സരത്തിൽ പങ്കെടുക്കുന്നതിനായി താഴെ പറയുന്ന ലിങ്കിൽ രജിസ്റ്റർ ചെയ്യാവുന്നതാണ് . https://bksbahrain.com/2025/illustra/register.html

Bahrain Keraleeya Samajam Announces the Second BKS Open Junior & Senior Badminton Tournament 2025

Bahrain, October 2025 – Bahrain Keraleeya Samajam (BKS) is proud to announce the Second BKS Open Junior & Senior Badminton Tournament, scheduled to take place from 18th to 26th October 2025 at the BKS Indoor Stadium.

The tournament aims to bring together talented badminton players from across the community, promoting sportsmanship, competition, and unity. Players will compete across multiple categories, providing an exciting platform for both juniors and seniors to showcase their skills.

Registration is now open and will close on 10th October 2025.
Interested participants can register through the official link:
tournamentsoftware.com/tournament/36F5D53A-4A31-4795-83D6-F6A98AEC90E1

For further details, please contact:

Mr. Noushad Mohammed, Indoor Games Secretary ‪+973 3977 7801‬
Mr. Paulson Lonappan, Tournament Director‪+973 3916 5761‬
Mr. James Joseph, General Convener ‪+973 3307 8662

രണ്ടാമത് ബി.കെ.എസ് ഓപ്പൺ ജൂനിയർ & സീനിയർ ബാഡ്മിന്റൺ ടൂർണമെൻ്റിന് 18 ന് തുടക്കം

ബഹ്‌റൈൻ കേരളീയ സമാജം നവരാത്രി ആഘോഷങ്ങൾക്ക് ഇന്ന് തുടക്കം; വിദ്യാധരൻ മാസ്റ്റർക്ക്  ബി. കെ. എസ് കലാകേന്ദ്ര ലൈഫ് ടൈം അച്ചീവ്‌മെന്റ് അവാർഡ്

മനാമ: ബഹ്‌റൈൻ കേരളീയ സമാജത്തിന്റെ ഈ വർഷത്തെ നവരാത്രി ആഘോഷങ്ങൾക്ക് ഇന്ന് 30 സെപ്റ്റംബർ ചൊവ്വാഴ്ച 8 മണിക്ക് തുടക്കമാകും. മൂന്നു ദിവസത്തെ ആഘോഷപരിപാടികൾ വിപുലമായി സംഘടിപ്പിച്ചിട്ടുണ്ടെന്ന് സമാജം പ്രസിഡന്റ് പി.വി. രാധാകൃഷ്ണപിള്ളയും ജനറൽ സെക്രട്ടറി വർഗ്ഗീസ് കാരക്കലും അറിയിച്ചു.
ബഹ്‌റൈനിലെ പ്രമുഖ നൃത്താധ്യാപകരുടെയും സംഗീത അധ്യാപകരുടെയും നേതൃത്വത്തിൽ വിദ്യാർഥികൾ അവതരിപ്പിക്കുന്ന നൃത്ത സംഗീത അർച്ചനയോടെ നവരാത്രി ആഘോഷങ്ങൾക്ക് തുടക്കമാകും.

നവരാത്രി ആഘോഷങ്ങളോടനുബന്ധിച്ച് സമാജം ഏർപ്പെടുത്തിയ "ബി.കെ.എസ്. കലാകേന്ദ്ര ലൈഫ് ടൈം അച്ചീവ്‌മെന്റ് അവാർഡ്" സമർപ്പണം രണ്ടാം ദിനമായ ബുധനാഴ്ച 1 ഒക്ടോബർ വൈകിട്ട് 8 മണിക്ക് നടക്കും. മലയാള സംഗീത ശാഖയ്ക്ക് നൽകിയ സമഗ്ര സംഭാവനകളെ മാനിച്ച് പ്രശസ്ത സംഗീത സംവിധായകനും അഭിനേതാവുമായ വിദ്യാധരൻ മാസ്റ്റർക്കാണ് പുരസ്‌കാരം നൽകുന്നത്. ബുധനാഴ്ച രാത്രി എട്ടുമണിക്ക് സമാജം ഡയമണ്ട് ജൂബിലി ഹാളിൽ നടക്കുന്ന ചടങ്ങിൽ പുരസ്‌കാര സമർപ്പണത്തോടൊപ്പം വിദ്യാധരൻ മാസ്റ്റർ ഈണം നൽകിയ ഗാനങ്ങൾകോർത്തിണക്കിയ സംഗീത നിശയും അരങ്ങേറും. ചടങ്ങിൽ കേരള ഹൈക്കോടതി ജസ്റ്റിസ് ദേവൻ രാമചന്ദ്രൻ, സാംസ്കാരിക വകുപ്പ് സെക്രട്ടറി ഡോ. ദിവ്യ എസ്. അയ്യർ, കെ. ശബരീനാഥ് എന്നിവർ മുഖ്യാതിഥികളായി പങ്കെടുക്കും.

വിജയദശമി ദിനമായ ഒക്ടോബർ 2 വ്യാഴാഴ്ച പുലർച്ചെ 5 മണിമുതൽ വിദ്യാരംഭ ചടങ്ങുകൾ ആരംഭിക്കും. മുഖ്യാതിഥി ഡോ. ദിവ്യ.എസ്. അയ്യർ കുരുന്നുകൾക്ക് ആദ്യാക്ഷരം കുറിക്കും.  കൂടുതൽ വിവരങ്ങൾക്ക്  റിയാസ് ഇബ്രാഹിം :33189894, വിനയചന്ദ്രൻ നായർ :39215128