ബഹ്‌റൈൻ കേരളീയ സമാജത്തിന്റെ നേതൃത്വത്തിൽ നടന്ന കുട്ടികളുടെ കലാമാമാങ്കമായ ദേവ്ജി-ബി.കെ.എസ്. ബാലകലോത്സവം 2019ന്റെ കലാതിലകം, കലാപ്രതിഭ, ബാലതിലകം, ബാലപ്രതിഭ, നാട്യരത്ന, സംഗീതരത്ന, സാഹിത്യരത്ന, ചിത്രകലാരത്ന ഗ്രൂപ്പ് ചാംപ്യൻഷിപ്എന്നീ അവാർഡുകളും, മൂന്നു സ്പെഷല്‍ ആവാര്‍ഡുകളും പ്രഖ്യാപിക്കപ്പെട്ടു. ബഹ്‌റൈൻ കേരളീയ സമാജം പ്രസിഡന്റ് ശ്രീ. പി..വി. രാധാകൃഷ്ണപിള്ള,  ജനറൽ സെക്രട്ടറി ശ്രീ. എം. പി. രഘു എന്നിവർ പത്രകുറിപ്പിലൂടെയാണ് അവാർഡു ജേതാക്കളെ പ്രഖ്യാപിച്ചത്.

വിജയികളായ എല്ലാവർക്കും അവരുടെ മാതാപിതാക്കൾക്കും ആശംസകൾ അർപ്പിക്കുന്നതായും ഭാരവാഹികൾ അറിയിച്ചു.  ദേവ്ജി- ബി.കെ.എസ്. ബാലകലോത്സവത്തിന്റെ ഏപ്രിൽ 10 മുതൽ ജൂണ്‍ 5 വരെ നീണ്ടു നിന്ന മത്സരങ്ങളിൽ നൂറ്റിയൻപതോളം മത്സരയിനങ്ങളിലായി അഞ്ഞൂറ്റിയൻപതിൽ കൂടുതൽ കുട്ടികളാണ് പങ്കെടുത്തത്. മുൻ വർഷങ്ങളെ അപേക്ഷിച്ചു മത്സരാർത്ഥികളുടെ എണ്ണത്തിൽ വൻ വർദ്ധന രേഖപ്പെടുത്തിയ ഈ വർഷത്തെ പരിപാടികൾ അഞ്ചോളം വേദികളിലായിയാണ് നടത്തപ്പെട്ടത്. പ്രശസ്ത നർത്തകിമാരായ ഗീത പദ്മകുമാര്‍ ,മിനി പ്രമോദ് ,മഞ്ജു വി നായര്‍ എന്നിവരാണ്  മത്സരങ്ങളുടെ വിധിനിർണയങ്ങൾക്കായി നാട്ടിൽനിന്നും  ഈ വർഷം എത്തിച്ചേർന്നത്. ജനറൽ കൺവീനർ,മുരളീധര്‍ തമ്പാന്‍, കൺവീനർമാരായ വിനൂപ് കുമാര്‍, മധു പി നായര്‍, സജു സുകുമാര്‍ എന്നിവരുടെ നേതൃത്വത്തിലുള്ള അമ്പതില്‍പരം ഊര്‍ജ്ജസ്വലരായ കമ്മിറ്റി അംഗങ്ങ ള്‍ ആണ്  പരിപാടികൾക്ക് ചുക്കാൻ പിടിച്ചത്. വിജയികൾക്കുള്ള സമ്മാനദാനം ജൂൺ 20 വൈകുന്നേരം 7 മണിക്ക് നടക്കുന്ന പ്രൗഢഗംഭീരമായ ചടങ്ങിൽ വിശിഷ്ട വ്യക്തികൾ വിതരണം ചെയ്യും. ചടങ്ങില്‍ ഫ്ലവേഴ്സ് ടി വി എം ഡി യും,പ്രമുഖ ടെലിവിഷന്‍ അവതാരകനും ആയ ശ്രീകണ്ഠൻ നായർ മുഖ്യാതിഥിയും പ്രകാശ് ദേവ്ജി വിശിഷ്ട അഥിതിയുമായിരിക്കും.

JEON BIJU MANAKKAL കലാപ്രതിഭ The Indian School	ANAGHA S. LAL കലാതിലകം The Indian School		SHAURYAA SREEJIT ബാലപ്രതിഭ The Asian School	HIMA AJITHKUMAR ബാലതിലകം The Indian School

SIMRAN SREEJIT സാഹിത്യരത്ന The Asian School	PADMAPRIYA PRIYADARSINI ചിത്രകലാരത്ന The Indian School

GROUP CHAMPIONS
GROUP 1	GROUP 2		GROUP 3	GROUP 4	GROUP 5
AIDEN CHRIS DANTHY The Asian School	SHREYA MURALIDHARAN The Indian School		ARITRO GHOSH The Indian School	AMREEN UNNIKRISHNAN New Millennium School	PAVITHRA PADMAKUMAR MENON The Indian School
SPECIAL GROUP CHAMPIONSHIP	SPECIAL GROUP CHAMPIONSHIP		President’s Award - Top Scoring Non-Keralite	President’s Award - Highest First Prizes	Special Award
JAAHNAVI JIA New Millennium School	SANNIDHYU CHANDRA The Indian School		ARITRO GHOSH The Indian School	SREEDAKSHA SUNILKUMAR The New Indian School	NAKSHATRA RAJ C. The Indian School

ഈദ് അവധി ദിവസങ്ങളായ 6,7  തീയ്യതികളിലായി നടന്ന ബഹ്‌റൈൻ കേരളീയ സമാജം ഈദാഘോഷം വലിയ വിജയമായിരുന്നു.

നാട്ടിൽ നിന്നും എത്തിയ പ്രശസ്ത ഗായകരായ അൻസാർ, ലക്ഷ്മി വിജയൻ, ജൂനിയർ മെഹബൂബ് എന്നിവരും പാർവ്വതിയും നയിച്ച ഗാനമേള സദസ്സ്  ഏറ്റെടുക്കുകയായിരുന്നു. മാപ്പിള പാട്ടുകളും, ഹിന്ദി മലയായാളം സിനിമാ ഗാനങ്ങളും ഗസലുകളും എല്ലാം   ഒത്തിണങ്ങിയ സംഗീതമഴ തന്നെയായിരുന്നു രണ്ടു ദിവസങ്ങളിലായി പെയ്തിറങ്ങിയത്. മാറ്റു കൂട്ടുവാനായി ബഹ്റൈനിലെ കലാകാരികൾ അവതരിപ്പിച്ച ഒപ്പനകളും ബഹ്‌റൈൻ  കെ എം സി സി ടീം അവതരിപ്പിച്ച കോൽക്കളിയും കാണികളെ നല്ല രീതിയിൽ ആസ്വദിപ്പിക്കുന്നതായിരുന്നു.

നിരവധി  പ്രോഗ്രാമുകൾ ഉണ്ടായിരുന്നിട്ടു കൂടി സാമാന്യം  വലിയ  ആൾക്കൂട്ടം തന്നെയാണ് രണ്ടു ദിവസങ്ങളിലും പങ്കെടുത്തത്. എല്ലാ ആഘോഷങ്ങളും ഒരു പോലെ ആഘോഷിക്കുന്ന ബഹ്‌റൈൻ കേരളീയ സമാജത്തോട് ബഹ്‌റൈൻ പ്രവാസികൾക്കുള്ള സ്നേഹവും താല്പര്യവുംമാണ്  വലിയ ജന പങ്കാളിത്തം കാണിക്കുന്നതെന്ന് പ്രസിഡന്റ് പി വി രാധാകൃഷ്ണപിള്ള, ജനറൽ സെക്രട്ടറി എം പി രഘു  എന്നിവർ പറഞ്ഞു.

ഈദാഘോഷങ്ങളുടെ ഭാഗമായി പെരുന്നാൾ തലേ ദിവസം ബി കെ എസ് വനിതാ വിങ്ങിന്റെ നേതൃത്വത്തിൽ മൈലാഞ്ചി രാവും, ആറാം തിയ്യതി 20  ടീമുകൾ പങ്കെടുത്ത ബിരിയാണി മത്സരവും ഉണ്ടായിരുന്നു.

പരിപാടികളുടെ ഔപചാരികമായ ഉദ്ഘാടനം സമാജം പ്രസിഡന്റ് ശ്രീ പി വി രാധാകൃഷ്ണ പിള്ള നിർവ്വഹിച്ചു. ജനറൽ സെക്രട്ടറി എം പി രഘു, ട്രഷറർ ദിലീഷ് കുമാർ, കലാവിഭാഗം സെക്രട്ടറി ഹരീഷ് മേനോൻ, അസിസ്റ്റന്റ് സെക്രട്ടറി ടി ജെ ഗിരീഷ്, മെമ്പർഷിപ്പ് സെക്രട്ടറി ബിനു വേലിൽ, ജോയന്റ് കൺവീനർ വർഗീസ് ജോർജ്, ശ്രീഹരി  എന്നിവർ സാന്നിഹിതരായിരുന്നു. ജനറൽ കൺവീനർ റഫീക്ക് അബ്ദുള്ള നന്ദി പറഞ്ഞു. ബിജു എം സതീഷ് അവതാരകനായിരുന്നു. മനോഹരൻ പാവറട്ടി, രജിത അനിൽ, നിമ്മി രോഷൻ, രാജേഷ് ചേരാവള്ളി, ബി കെ എസ് ടീം ഒഫീഷ്യൽസ് എന്നിവർ പരിപാടികൾക്ക് നേതൃത്വം കൊടുത്തു.

ബഹ്റൈൻ കേരളീയ സമാജം ഭവന പദ്ധതിയുടെ ഭാഗമായി ബി കെ എസ്  വനിതാ വേദി 2017-2018 ,2018-2019 കമ്മറ്റി യുടെ  നേതൃത്വത്തിൻ ചെങ്ങന്നൂർ മുളകുഴ പെരിങ്ങാല അനിതക്ക് നൽകുന്ന ഭവനത്തിന്റെ താക്കോൽ ദാനം ബഹ്റൈൻ കേരളീയ സമാജം പ്രസിഡന്റെ P V .രാധാകൃഷ്ണ പിള്ളയുടെ സാന്നിധ്യത്തിൽ ചെങ്ങന്നൂർ M L A .ശ്രീ സജീചെറിയാൻ നിർവ്വഹിച്ചു . ഹാബിറ്റാറ്റ് ടെക്നോളജീഗ്രൂപ്പ്  പദ്മശ്രീ ജീ ശങ്കർ സമാജം വനിത വേദി ട്രഷറർ . ശ്രീന ശശിദരൻ ,സമാജം വനിത വേദി കലാവിഭാഗം സെക്രട്ടറി ജോബി സാജൻ ,  സമാജം നോർക്ക ഹൈൽപ്പ് ഡെസ്ക്ക് കൺവീനർ .രാജേഷ് ചേരാവള്ളി , സമാജം മുൻ പ്രസിഡന്റ് മോഹൻ കുമാർ,സമാജം ഭവന പദ്ധതി ഇൻ ചാർജ് പ്രസാദ് ചന്ദ്രൻ ,KR രാജപ്പൻ,  സ്വാമി സായി പ്രീത് തുടങ്ങിയവര്‍ ചടങ്ങില്‍ പങ്കെടുത്തു.

മാപ്പിള പാട്ടിൻറെ സുൽത്താൻ എരഞ്ഞോളി മൂസ അനുസ്മരണം മെയ് 10 വെള്ളിയാഴ്ച രാത്രി 9 മണിമുതൽ സമാജം ഡയമണ്ട് ജൂബിലി ഹാളിൽ