സമാജം വെൽഫേർ ഫണ്ടിൽ  നിന്നും അതുപോലെ അഭ്യുദയകാംഷികളിലിൽ നിന്നും സ്വരൂപിച്ച  തുകയായ പതിനൊന്നു ലക്ഷത്തി ഇരുപത്തിനാലായിരം രൂപ അന്തരിച്ച സാമാജം അംഗം പപ്പൻ കുഞ്ഞിയുടെ കുടുംബത്തിന് കൈമാറി.

ബഹ്‌റൈൻ കേരളീയ സമാജം  അഭ്യുദയകാംഷികളിലിൽ നിന്നും സ്വരൂപിച്ച ഒരുലക്ഷത്തി ഇരുപത്തിനാലായിരം രൂപ  അന്തരിച്ച സാമാജം അംഗം പപ്പൻ കുഞ്ഞിയുടെ കുടുംബത്തിന്  കൈമാറിയാതായി സാമാജം പ്രസിഡന്റ്  പി വി രാധാകൃഷ്ണ പിള്ള , സാമാജം ആക്ടിങ് ജനറൽ സെക്രട്ടറി വർഗ്ഗീസ്  ജോർജ്ജ്  എന്നിവർ പത്രക്കുറിപ്പിൽ അറിയിച്ചു. സമാജം വൈസ് പ്രസിഡന്റ് ശ്രീ ദേവദാസ് കുന്ന ത്തിന്റെ നേതൃത്വത്തിൽ ആണ് തുക പരേതന്റെ കുടുംബത്തിന് കൈമാറിയത്. നേരത്തെ  സമാജം   വെൽഫേർ ഫണ്ടിൽ നിന്നും അന്തരിച്ച സമാജം അംഗം പപ്പൻ കുഞ്ഞിക്കുള്ള ധന സഹായമായ പത്തുലക്ഷം രൂപ   പരേതന്റെ പുത്രൻ പ്രണവ് ബഹ്‌റൈൻ കേരളീയ സമാജം പ്രസിഡന്റ് ശ്രീ പി വി രാധാകൃഷ് പിള്ളയിൽ നിന്നും ഏറ്റുവാങ്ങിയിരുന്നു.  2011 ആണ് സമാജം വെൽഫെറെ ഫണ്ട് എന്ന ആശയം ശ്രീ രാധാകൃഷ്ണ പിള്ളയുടെ നേതൃത്വത്തിൽ നടപ്പിലാക്കിയത്. സമാജം അംഗമായിരിക്കെ മരണപ്പെടുന്നവരുടെ കുടുംബങ്ങളെ സഹായിക്കുന്നതിനാണ് ഇങ്ങനെ ഒരു പദ്ധതി തുടങ്ങിയത്. ഇതിനോടകം നിരവധി ആളുകൾക്ക് ,സമാജം അംഗങ്ങളായിരിക്കെ  മരണപ്പെട്ടവരുടെ  കുടുംബങ്ങൾക്ക് ധനസഹായം നൽകിയത്.

ബഹ്‌റൈനിലെ കലാസാംസ്കാരിക പ്രവർത്തനത്തിൽ നിറ സാന്നിധ്യമായിരുന്ന ശ്രീ. ദിനേശ് കുറ്റിയിൽ;  നാട്ടിൽ കോറോണയും, ന്യൂമോണിയയും, തുടർന്ന് സ്‌ട്രോക്കും ഉണ്ടായതിനാലുള്ള ചികിത്സയിലാണ്.

ഈ മഹാമാരിക്കാലത്ത് ഏറെ പ്രയാസങ്ങൾ അനുഭവിക്കുന്ന കലാകാരന്മാരുടെ ദുർഗതി മലയാളികൾക്കുമുൻപിൽ തുറന്നുകാട്ടാനായി, കാസർഗോഡ് മുതൽ കന്യാകുമാരിവരെ 'ബ്ലാക്ക് ഔട്ട്' എന്ന നാടകം അവതരിപ്പിച്ചു സ്വന്തം നാട്ടിൽ തിരിച്ചെത്തിയ ശേഷമായിരുന്നു ദിനേശിന് തന്നെ കോറോണയും തുടർന്നുള്ള മറ്റു സങ്കീർണതകളും ഉണ്ടായത്. ബഹറിനിൽ ഉള്ളപ്പോഴും നാട്ടിൽ ആയിരുന്നപ്പോഴും അധികം മിച്ചമുണ്ടാക്കാൻ പറ്റാത്ത ജോലികൾ ആയതിനാൽ സമ്പാദ്യമൊന്നും ഇല്ലാതിരുന്ന ദിനേശിനും കുടുംബത്തിനും ഇപ്പോൾ നടന്നുകൊണ്ടിരിക്കുന്ന ഭാരിച്ച ചികിത്സ ചിലവു കണ്ടെത്താൻ കഴിയില്ലെന്നത് യാഥാർഥ്യമാണ്. ഇത്തരുണത്തിലാണ്, ദിനേശിന്റെ ചികിത്സ സഹായ നിധി സ്വരൂപിക്കേണ്ടുന്ന ആവശ്യകത ഉണ്ടായതെന്ന് സമാജം പ്രെസിഡെന്റ് പി വി രാധാകൃഷ്ണപ്പിള്ള, ആക്റ്റിംഗ് ജനറൽ സെക്രട്ടറി വർഗ്ഗീസ് ജോർജ് കലാവിഭാഗം സെക്രട്ടറി പ്രദീപ് പതേരി എന്നിവർ പത്രക്കുറിപ്പിലൂടെ അറിയിച്ചു.

ദിനേശിന്റെ ചികിത്സ ചിലവിലേക്ക് സഹായം എത്തിക്കേണ്ടതിനെപ്പറ്റിയും മറ്റും ചർച്ചചെയ്ത്  തീരുമാനിക്കാനായി, 17/11/2021 ബുധനാഴ്ച്ച വൈകീട്ട് 8.30ന് ദിനേശിന്റെ സുഹൃത്തുക്കളുടെയും നാടക-കലാ-സാംസ്കാരിക-സാമൂഹ്യ പ്രവർത്തകരുടെയും ഒരു യോഗം ബഹറിൻ കേരളീയ സമാജം ഹാളിൽ ചേരുന്നു. മറ്റ് പരിപാടികൾ ക്രമീകരിച്ചുകൊണ്ട് മുഴുവൻ കലാസാംസ്കാരികസാമൂഹ്യ പ്രവർത്തകരും സാന്നിധ്യം ഉറപ്പുവരുത്തേണമെന്ന്‌ രാധാകൃഷ്ണപിള്ള കൂട്ടിച്ചേർത്തു.

അന്വേഷണങ്ങൾക്ക്, സമാജം കലാവിഭാഗം സെക്രട്ടറി പ്രദീപ് പതേരിയെയോ (39283875), സ്കൂൾ ഓഫ് ഡ്രാമ കൺവീനർ വിനോദ് വി ദേവനെയോ (39189154) ബന്ധപ്പെടാവുന്നതാണ്.

സാമ്പത്തീകമായ കാരണങ്ങളാൽ  ഭക്ഷണത്തിനു പ്രയാസപ്പെടുന്ന സഹജീവികൾക്കായി  ബഹ്‌റൈൻ കേരളീയ സമാജം അക്ഷയപാത്രം എന്ന   പുതിയ ആശയവുമായി രംഗത്ത് വരുന്നു .

ബഹ്‌റൈൻ കേരളീയ സമാജം സംഘടിപ്പിക്കുന്ന ഇന്ത്യ 75 ബികെഎസ് @ 75 ആഘോഷങ്ങളുടെ ഔപചാരിക ഉദ്ഘാടനം ബഹുമാനപ്പെട്ട വിദേശ കാര്യ സഹമന്ത്രി ശ്രീ വി മുരളീധരൻ നിർവ്വഹിക്കുന്നു .

ബഹ്‌റൈൻ കേരളീയ സമാജം  സംഘടിപ്പിക്കുന്ന ഇന്ത്യ 75 ബികെഎസ് @ 75 ആഘോഷങ്ങളുടെ ഔപചാരിക ഉദ്ഘാടനം ബഹുമാനപ്പെട്ട വിദേശ കാര്യ സഹമന്ത്രി ശ്രീ വി മുരളീധരൻ നിർവ്വഹിക്കുന്നു .

ബഹ്‌റൈൻ കേരളീയ സമാജം ബഹ്‌റൈൻ  എംബസ്സിയുടെ രക്ഷാകർത്തിത്വത്തിൽ സംഘടിപ്പിക്കുന്ന ഇന്ത്യ 75 ബികെഎസ് @ 75 ആഘോഷങ്ങളുടെ ഔപചാരിക ഉദ്ഘാടനം ബഹുമാനപ്പെട്ട വിദേശ കാര്യ സഹമന്ത്രി ശ്രീ വി മുരളീധരൻ നിർവ്വഹിക്കുന്നുമെന്ന് സമാജം പ്രസിഡന്റ് രാധാകൃഷ്ണ പിള്ള ജനറൽ സെക്രട്ടറി വർഗ്ഗീസ് കാരക്കൽ എന്നിവർ പത്രകുറിപ്പിൽ അറിയിച്ചു .  സെപ്റ്റംബർ 01nu രാവിലെ 10 .45  മണിക്ക് ആണ് ഔപചാരിക ഉദ്ഘാടന ചടങ്ങു സംഘടിപ്പിച്ചിട്ടുള്ളത് ബഹുമാനപ്പെട്ട വിദേശ കാര്യ സഹമന്ത്രി ശ്രീ വി മുരളീധരൻ നിലവിളക്കു തിരി തെളിയിച്ചു ഉദ്ഘാടനം നിർവഹിക്കുമെന്ന് സംഘാടകർ അറിയിച്ചു. തുടർന്ന് ഇന്ത്യ 75 ബികെഎസ് @ 75 ഡിജിറ്റൽ ലോഗോ റിലീസിംഗ് ചടങ്ങും നടക്കും . പരിപാടിയിൽ ബഹുമാനപെട്ട ഇന്ത്യൻ സ്ഥാനപതി പിയുഷ് ശ്രീവാസ്തവ വിശിഷ്ട അഥിതി ആയിരിക്കും. ക്ഷണിക്കപ്പെട്ട അതിഥികളാണ് ചടങ്ങിൽ പങ്കെടുക്കുക.

 ബഹുമാനപ്പെട്ട വിദേശ കാര്യ സഹമന്ത്രി ശ്രീ വി മുരളീധരൻ അവർകളെ സ്വീകരിക്കുന്നതിനുള്ള എല്ലാ തയാറെടുപ്പുകളും സമാജത്തിൽ പൂർത്തിയായതായി സമാജം പ്രസിഡന്റ് രാധാകൃഷ്ണ പിള്ള ജനറൽ സെക്രട്ടറി വർഗ്ഗീസ് കാരക്കൽ എന്നിവർ അറിയിച്ചു.

Registration

ബഹ്‌റൈൻ കേരളീയ സമാജം ഭവന പദ്ധതി- ഗൃഹ പ്രവേശം

ബഹ്‌റൈൻ കേരളീയ സമാജം ഭവന പദ്ധതിയുടെ ഭാഗമായി ബഹ്‌റൈൻ കേരളീയ സമാജം
ടീം ഒഫീഷ്യൽ അംഗങ്ങളുടെ പരിശ്രമ ഫലമായി വെള്ളനാട് പഞ്ചായത്തിൽ മണ്ടേല കുരിശടി ജംഗ്ഷനിൽ ശ്രീ.സോമൻ നാടർക്കു പണികഴിപ്പിച്ചു് നൽകിയ വീടിന്റെ ഗൃഹപ്രവേശം ജൂൺ 21 ന് ഉച്ചക്ക് 12 മണിക്ക് ബഹുമാന്യനായ അരുവിക്കര എം.ൽ.എ ശ്രീ.ശബരിനാഥ്‌ പ്രശസ്ത ആർക്കിറ്റെക്ട്‌ പത്മശ്രീ ജി.ശങ്കരിന്റെ സാന്നിധ്യത്തിൽ നിർവഹിക്കുമെന്ന് സമാജം പ്രസിഡന്റ് ശ്രീ പി വി രാധാകൃഷ്ണ പിള്ള അറിയിച്ചു . ഈ അവസരത്തിൽ ഈ സംരംഭവുമായി സഹകരിച്ച എല്ലാവരോടും ഉള്ള നന്ദി രേഖപ്പെടുത്തുന്നതായി സമാജം ജനറൽ സെക്രട്ടറി പറഞ്ഞു .

സമാജം ഇതുവരെ ആയി 24 വീടുകളാണ് നിർദ്ധനരും രോഗികളുമായ പാവപ്പെട്ട കുടുംബങ്ങൾക്കു വച്ച് നൽകിയത്. ബഹ്‌റൈൻ കേരളീയ സമാജം ടീം ഒഫീഷ്യൽ അംഗങ്ങളുടെ ശ്രമഫലമായാണ് ഇതു സാധിച്ചത് എന്നും അവർ ഓരോരുത്തർക്കും സമാജത്തിന്റെ നന്ദി അറിയിക്കുന്നതായി സമാജം പ്രസിഡന്റ് അറിയിച്ചു