മനാമ: മലയാളം മിഷൻ നടത്തുന്ന നീലക്കുറിഞ്ഞി കോഴ്സിന് (സീനിയർ ഹയർ ഡിപ്ലോമ ) സംസ്ഥാന വിദ്യാഭ്യാസ വകുപ്പിന്റെ പത്താംതരം മലയാള ഭാഷാ പ്രാവീണ്യം തുല്യത അംഗീകാരം നൽകി സർക്കാർ ഉത്തരവ്.

നാടകാചാര്യൻ എൻ. എൻ. പിള്ളയുടെ ജന്മശതാബ്ദിയോടനുബന്ധിച്ച്‌,  ബഹ്‌റൈൻ കേരളീയ സമാജം,  എൻ. എൻ. പിള്ള അനുസ്മരണ നാടകോത്സവം സംഘടിപ്പിക്കുന്നു.

2020 ഫെബ്രുവരി 13, 14  തീയതികളിൽ, ബഹ്‌റൈൻ കേരളീയ സമാജം DJ ഹാളിൽ നടത്തുന്ന നാടകോത്സവത്തിൽ, നാടകാചാര്യൻ എൻ. എൻ. പിള്ളയുടെ പ്രസിദ്ധികരിച്ച ഏതെങ്കിലും നാടകം അവതരിപ്പിക്കാൻ താല്പര്യമുള്ള നാടക സംഘങ്ങളിൽനിന്നും അപേക്ഷ ക്ഷണിക്കുന്നു. പൂരിപ്പിച്ച അപേക്ഷയും നാടകത്തിന്‍റെ ഒരു പകര്‍പ്പും 2019 ഡിസംബര്‍ 25-നു മുന്‍പ് സമാജം ഓഫീസില്‍ കിട്ടിയിരിക്കേണ്ടതാണ്. നാടകോത്സവത്തിൻറെ നിബന്ധനകൾ ഇതോടൊപ്പം ചേർക്കുന്നു.

അന്വേഷണങ്ങൾക്കും കൂടുതല്‍ വിവരങ്ങള്‍ക്കും അപേക്ഷാഫോറത്തിനും; പ്രദീപ്‌ പതേരി (സെക്രട്ടറി, കലാവിഭാഗം-39283875) അല്ലെങ്കില്‍ സമാജം ഓഫീസുമായി (17251878) ബന്ധപ്പെടുക.

മനാമ: കേരളാ സർക്കാർ നോർക്ക പ്രവാസി നിയമ സഹായസെൽ സേവനം ബഹ്‌റൈനിൽ ലഭ്യമാക്കുന്നതിന് നിയമിച്ച മലയാളിയായ അഭിഭാഷകൻ അഡ്വ: ശ്രീജിത്ത് കൃഷ്ണന് ബഹ്‌റൈൻ കേരളീയ സമാജം (ബി.കെ.എസ്) സ്വീകരണം നൽകി. ഭരണസമിതി അംഗങ്ങൾ, ചാരിറ്റി - നോർക്കാ കമ്മിറ്റി അംഗങ്ങൾ എന്നിവർ പങ്കെടുത്തു.

എല്ലാ ശനിയാഴ്ചകളിലും വൈകീട്ട്  6:30 മുതൽ 7 :30  വരെ നോർക്ക ലീഗൽ കൺസൾട്ടന്റിന്റെ  സേവനം സമാജത്തിൽ ലഭ്യമായിരിക്കുമെന്ന് പ്രെസിഡന്റ്‌ പി.വി. രാധാകൃഷ്‌ണപിള്ള അറിയിച്ചു. നോർക്ക തിരിച്ചറിയൽ കാർഡ്, ക്ഷേമനിധി ചേർക്കൽ, ആബുലൻസ് സർവീസ്  എന്നീ ഇപ്പോൾ നൽകി വരുന്ന സേവനത്തോടൊപ്പം  ജയിലുകളിൽ കഴിയുന്ന മലയാളികൾക്കും, ജോലി സംബന്ധമായി വിഷമതകൾ അനുഭവിക്കുന്നവർക്കും പ്രയോജനപ്പെടുന്ന നോർക്കയുടെ നിയമസഹായ പദ്ധതിയും  ബി.കെ. എസ്സിൽ പ്രവർത്തിക്കുന്ന നോർക്കയുടെ ഹെൽപ്പ് ഡസ്‌ക്ക്  വഴി ബഹ്‌റൈൻ പ്രവാസി മലയാളികൾ ഉപയോഗപ്പെടുത്തണമെന്ന് അദ്ദേഹം അഭിപ്രായപ്പെട്ടു. ബി. കെ. എസ് നോർക്ക  ഹെൽപ്പ് ഡസ്ക് എല്ലാ ദിവസവും വൈകീട്ട്  7: 30 മുതൽ 9 വരെ പ്രവർത്തിച്ചുവരുന്നുണ്ട്.  

നിയമ ബോധവത്ക്കരണ പരിപാടികൾ മലയാളി സാംസ്‌ക്കാരിക സംഘടനകളുമായി ചേർന്ന് സമാജത്തിൽ സംഘടിപ്പിക്കുന്നതിനും നോർക്ക അഭിഭാഷകനുമായ സമാജം ധാരണയായിട്ടുണ്ട്. കൂടുതൽ വിവരങ്ങൾക്കും, സേവനങ്ങൾക്കും ചാരിറ്റി - നോർക്ക ജനറൽ കൺവീനർ കെ.ടി. സലീമിനെയോ (33750999), നോർക്ക ഹെൽപ്പ് ഡസ്‌ക്ക് കൺവീനർ രാജേഷ് ചേരാവള്ളിയെയോ (35320667) ബന്ധപ്പെടാവുന്നതാണ്.

ബി കെ എസ് ഓണാഘോഷത്തിന്റെ രണ്ടാം ദിവമായഇന്നലെ  മുൻ കേന്ദ്രമന്ത്രി അൽഫോൻസ് കണ്ണന്താനം മുഖ്യാഥിതി ആയിരുന്നു. 

 ബഹ്‌റൈൻ മലയാളികൾ കാണിക്കുന്ന ഐക്യബോധവും  സ്നേഹവും നമ്മുടെ നാട്ടിലേക്ക് പോലും മാതൃകയാണെന്ന് അൽഫോൻസ് കണ്ണന്താനം അഭിപ്രായപ്പെട്ടു.

 സമാജം മെമ്പറായിരിക്കെ മരണപ്പെട്ട അജിത് വാസുദേവന്റെ കുടുംബത്തിനുള്ള സമാജത്തിന്റെ സാമ്പത്തിക സഹായം  ചടങ്ങിൽ അൽഫോൻസ് കണ്ണന്താനത്തിന്റ സാനിദ്യത്തില്‍ സമാജം പ്രസിഡന്റ്‌ പി  രാധാകൃഷ്ണ പിള്ള അദ്ധേഹത്തിന്റെ  ഭാര്യാ സഹോദന് കൈമാറി 

 സമാജം പ്രസിഡന്റ് പി വി രാധാകൃഷ്ണപിള്ളയുടെ അദ്ധ്യക്ഷതയിൽ ചേർന്ന യോഗത്തിൽ സെക്രട്ടറി എം പി രഘു സീതാഗതവും ശ്രാവണം 2019 കൺവീനർ പവനൻ തോപ്പിൽ നന്ദിയും പറഞ്ഞു

 തുടർന്ന് സൂര്യ കൃഷ്ണമൂർത്തി അണിയിച്ചൊരുക്കിയ അഗ്നി എന്ന നൃത്ത സംഗീത പരിപാടി ഹൃദ്യവും ശ്രദ്ധേയയാവുമായിരുന്നു 

ബഹ്റൈൻ കേരളീയ സമാജത്തിൽ പ്രവർത്തിക്കുന്ന നോർക്ക ഹെൽപ്പ് ഡസ്‌ക്ക് ഓഫീസ്‌, മുൻ മന്ത്രി കെ.സി. ജോസഫ് സന്ദർശിച്ചു.
2013 ൽ കേരളത്തിന് പുറത്ത് ആദ്യമായി നോർക്കയുടെ ഹെൽപ് ഡസ്‌ക്ക് ഓഫീസ് ഉത്ഘാടനം ചെയ്തത് കെ. സി. ജോസഫ് ആയിരുന്നു എന്നത്‌ സമാജം പ്രസിഡന്റ് പി.വി. രാധാകൃഷ്ണപിള്ള എടുത്ത് പറഞ്ഞു. ജന. സെക്രെട്ടറി എം.പി. രഘു, വൈസ് പ്രെസിഡന്റ് പി.എൻ. മോഹൻരാജ്, സോമൻ ബേബി, രാജു കല്ലുംപുറം, ചാരിറ്റി- നോർക്ക കമ്മിറ്റി ജന. കൺവീനർ കെ. ടി. സലിം, നോർക്ക ഹെൽപ്‌ ഡസ്‌ക്ക് കൺവീനർ രാജേഷ് ചേരാവള്ളി, ഹെൽപ്‌ ഡസ്‌ക്ക് അംഗങ്ങൾ എന്നിവർ സന്നിഹിതരായിരുന്നു.