നാടകാചാര്യൻ എൻ. എൻ. പിള്ളയുടെ ജന്മശതാബ്ദിയോടനുബന്ധിച്ച്‌,  ബഹ്‌റൈൻ കേരളീയ സമാജം,  എൻ. എൻ. പിള്ള അനുസ്മരണ നാടകോത്സവം സംഘടിപ്പിക്കുന്നു.

ബഹ്‌റൈനിൽ മറ്റൊരു നാടകക്കാലം കൂടെ വരവായി. നാടകാചാര്യൻ ശ്രീ. എൻ എൻ പിള്ളയുടെ ജന്മശദാബ്ദിയോടനുബന്ധിച്ച്‌ ബഹ്‌റൈൻ കേരളീയ സമാജം- സ്കൂൾ ഓഫ്‌ ഡ്രാമയുടെ ആഭിമുഖ്യത്തിൽ ഈ വരുന്ന ഫെബ്രുവരി 7,8,9 തിയ്യതികളിലായി, എൻ. എൻ. പിള്ളയുടെ 10  നാടകങ്ങൾ അരങ്ങിലെത്തുന്നതായിരിക്കുമെന്നു  സമാജം പ്രസിഡന്റ് ശ്രീ പി വി രാധാകൃഷണ പിള്ള, ജനറൽ സെക്രട്ടറി ശ്രീ വർഗീസ് കാരക്കൽ  എന്നിവർ പത്ര സമ്മേളനത്തിൽ അറിയിച്ചു.

പ്രമുഖ സിനിമാ ,നാടക പ്രവർത്തകരായ ശ്രീ. വിജയരാഘവൻ, ഹരിലാൽ എന്നിവർ അതിഥികളായി എത്തിച്ചേരുന്ന  നാടകോത്സവത്തിൽ 10 നാടകങ്ങൾ അരങ്ങിലെത്തുന്നു.  ആദ്യ ദിവസമായ ഫെബ്രുവരി 7)൦ തീയതി4 മണിക്ക്   മോഹൻരാജ് സംവിധാനം ചെയ്യുന്ന  പ്രൊഫൈൽ ഡ്രാമ " ഞാൻ " അരങ്ങേറും തുടർന്ന് എൻ എൻ പിള്ള അനുസ്മരണം ചടങ്ങും ഉണ്ടായിരിക്കും  . അതിനെ തുടർന്ന്  5മണിക്ക് നാടകം " മൗലികാവകാശം",സംവിധാനം. ദീപ ജയചന്ദ്രൻ, 6മണിക്ക് നാടകം " ഡാം"സംവിധാനം. ബേബിക്കുട്ടൻ,  7.30നു  നാടകം  "ഫാസ്റ്റ് പാസ്സഞ്ചർ"സംവിധാനം. ശ്രീജിത്ത് പറശ്ശിനി, 8.30 നു  നാടകം "ദി പ്രസിഡന്റ്" സംവിധാനം. സുരേഷ് പെണ്ണുക്കര എന്നീ നാടകങ്ങൾ അരങ്ങിലെത്തും.

രണ്ട)൦ ദിവസമായ ഫെബ്രുവരി 8)൦ തീയതി 8 മണിക്ക് നാടകം ". ഗുഡ് നൈറ്റ്‌", സംവിധാനം കൃഷ്ണകുമാർ പയ്യന്നൂർ. 8.45 നു നാടകം  "കുടുംബയോഗം, സംവിധാനം ഹരീഷ് മേനോൻ.  9.30നു നാടകം "ഗറില്ല" സംവിധാനം. ഷാഗിത്ത് രമേഷ് എന്നീ നാടകങ്ങൾ അരങ്ങേറും.

അവസാന ദിവസമായ ഫെബ്രുവരി 10)൦  തീയതി 8 മണിക്ക് നാടകം "അണ്ടർവെയർ"സംവിധാനം. മനോജ്‌ തേജസ്വിനി.9മണിക്ക് നാടകം "കണക്ക് ചെമ്പകരാമൻ" സംവിധാനം മനോഹരൻ പാവറട്ടി തുടർന്ന് 10  മണിക്ക് എൻ. എൻ. പിള്ള  ജന്മശതാബ്ദി   നാടകോത്സവത്തിന്റെ സമാപന സമ്മേളനവും നടക്കും .

ബഹ്‌റൈനിലുള്ള എല്ലാ കലാ സ്നേഹികളെയും നാടകം ആസ്വദിക്കുന്നതിനായി ബഹ്‌റൈൻ കേരളീയ സമാജത്തിലേക്കു സ്വാഗതം ചെയ്യുന്നതായി    കലാവിഭാഗം സെക്രട്ടറി ശ്രീ പ്രദീപ്‌ പതേരി അറിയിച്ചു.

കൂടുതൽ വിവരങ്ങൾക്ക് 39283875 , 39281276 ,39189154 എന്നീ നമ്പറുകളിൽ വിളിക്കാവുന്നതാണ്. 

ബഹ്‌റൈൻ കേരളീയ സമാജം റിപ്പബ്ലിക്ക് ദിനാഘോഷത്തിന്റെ ഭാഗമായി   സമാജം പ്രസിഡന്റ് ശ്രീ പി വി രാധാകൃഷ്ണ പിള്ള സമാജത്തിൽ ദേശീയ പതാക ഉയർത്തി. സമാജം ജനറൽ സെക്രട്ടറി വർഗ്ഗീസ് കാരക്കൽ ,വൈസ് പ്രസിഡന്റ് ദേവദാസ് കുന്നത്ത്  എം പി രഘു ,മറ്റു സമാജം അംഗങ്ങൾ തുടങ്ങിയവർ പങ്കെടുത്തു.

ബി.കെ.എസ്‌ നോർക്ക ഹെൽപ്‌ ഡസ്ക്കിൽ 50, 51, 52  ബാച്ച് കാർഡുകൾ എത്തി.

മനാമ: ബഹ്‌റൈൻ കേരളീയ സമാജത്തിൽ പ്രവർത്തിക്കുന്ന നോർക്ക ഹെൽപ് ഡസ്‌ക്ക് വഴി 50, 51, 52 ബാച്ച് നോർക്ക ഐഡന്റിറ്റി കാർഡുകൾക്ക്‌ അപേക്ഷ നൽകിയവരുടെ കാർഡുകൾ എത്തിച്ചേർന്നതായി ഭാരവാഹികൾ അറിയിച്ചു.

നോർക്ക തിരുവനന്തപുരം ഓഫീസിൽ നിന്നും സമാജം  കലാവിഭാഗം സെക്രട്ടറി പ്രദീപ്‌ പത്തേരി, വിഷ്ണു നാടകഗ്രാമം എന്നിവർ കൈപ്പറ്റിയ കാർഡുകൾ  സമാജം ജനറൽ സെക്രട്ടറി വർഗീസ് കാരക്കലിന് കൈമാറി. വൈസ് പ്രസിഡന്റ് ദേവദാസ് കുന്നത്ത്‌, നോർക്ക കൺവീനർ രാജേഷ് ചേരാവള്ളി മറ്റ് എക്സിക്യൂട്ടീവ് കമ്മിറ്റി അംഗങ്ങൾ, നോർക്ക ഹെൽപ്‌ ഡസ്‌ക്ക് അംഗങ്ങൾഎന്നിവർ സന്നിഹിതരായിരുന്നു.
അപേക്ഷനൽകിയവർക്ക് റസീപ്റ്റുമായി വൈകീട്ട് 7:30 നും 9 നുമിടയിൽ നോർക്ക ഹെൽപ് ഡസ്ക് ഓഫീസിൽ വന്ന് കാർഡുകൾ കൈപ്പറ്റാവുന്നതാണ്.

വായന ശാല പ്രവർത്തനോൽഘാടനം

കേരളസമാജം വായനശാലയുടെ 2020-2021 വർഷത്തെ കമ്മറ്റിയുടെ പ്രവർത്തനോൽഘാടനം സമാജം ആക്ടിഗ് പ്രസിഡന്റ് ശ്രീ ദേവദാസ് കുന്നത് ജനുവരി 11 ശനിയാഴ്ച വൈകിട്ട് 8മണിക്ക് സമാജം ബാബുരാജ് ഹാളിൽ നടന്ന ചടങ്ങിൽ നിർവഹിച്ചു. വായന ശാല കൺവീനർ ശ്രീ സുമേഷ് മണിമേൽ സ്വാഗതം പറഞ്ഞു. സമാജം സെക്രട്ടറി ശ്രീ വർഗീസ് കാരക്കൽ ആശംസ അറിയിച്ചു സംസാരിച്ചു. ലൈബ്രേറിയൻ ശ്രീ വിനൂപ്കുമാർ പുതിയ കമ്മറ്റിയുടെ കാലയളവിൽ ചെയ്യേണ്ട പ്രധാനപ്പെട്ട പ്രവർത്തനങ്ങളെക്കുറിച്ച് വിശദമായി സംസാരിച്ചു. മുപ്പതോളം കമ്മറ്റിയങ്ങങ്ങൾ ചടങ്ങിൽ പങ്കെടുത്തു. കൂട്ടായ പ്രവർത്തനത്തിലൂടെ വരുന്ന വർഷത്തെ ലൈബ്രറി പ്രവർത്തനങ്ങൾ മികച്ച രീതിയിൽ മുൻപോട്ട് കൊണ്ടുപോകാൻ യോഗം തീരുമാനിച്ചു. വായനശാല ജോയിന്റ് കൺവീനർ സ്മിതസന്തോഷ് നന്ദി പറഞ്ഞു.

മനാമ: ലോക കേരള  സഭയോടനുബന്ധച്ച്  മലയാളം മിഷൻ പ്രവാസി മലയാളി കുട്ടികൾക്കും മുതിർന്നവർക്കുമായി ആഗോളതലത്തിൽ നടത്തിയ സാഹിത്യ മത്സരത്തിൽ ബഹ്റൈനിൽ നിന്നും സീനിയർ വിഭാഗംകവിതാ രചനയിൽ നൗഫൽ എം.എ രണ്ടാം സ്ഥാനവും സബ് ജൂനിയർ വിഭാഗം കഥാരചനയിൽ വസുന്ധ വിനോദ് മൂന്നാം സ്ഥാനവും നേടി.

മലയാള സാഹിത്യ ചരിത്രത്തിൽ ഇതിഹാസ സമാനമായ മാനങ്ങളുള്ള
ഒ. വി. വിജയൻറെ  ഖസാക്കിന്റെ ഇതിഹാസമെന്ന നോവലിന്റെ സുവർണ്ണ ജൂബിലി  ആഘോഷങ്ങളുടെ ഭാഗമായി ബഹ്‌റൈൻ കേരളീയ സമാജവും മലയാള മനോരമയും സംയുകതമായി  കേരളത്തിലെ കോളേജ് വിദ്യാർത്ഥികൾക്കായി സംഘടിപ്പിച്ച "ഒ.വി.വിജയനെ ചരിത്രം വിലയിരുത്തുമ്പോൾ" എന്ന വിഷയത്തിൽ നടത്തിയ പ്രബന്ധ മത്സര വിജയികൾക്കുള്ള സമ്മാനദാനവും രണ്ട് ലക്ഷം രൂപയോളം  വരുന്ന പ്രൈസ് മണിയുടെ വിതരണവും ബഹുമാനപ്പെട്ട കവി പ്രൊഫ .വി .മധുസൂദനൻ നായർ  നിർവ്വഹിക്കുന്നു.
ശ്രീ.ഡോ.കെ.എസ്.രവികുമാർ, ശ്രീ.ജോസ് പനച്ചിപ്പുറം, ബഹറിൻ കേരളീയ സമാജം പ്രസിഡണ്ട് ശ്രീ.രാധാകൃഷ്ണപിള്ള എന്നിവരുടെ സാന്നിദ്ധ്യത്തിൽ
തിരുവനന്തപുരം മലയാള മനോരമ ഓഫിസിൽ 9.1.20 വ്യാഴാഴ്ച 11 മണിക്ക് നടക്കുന്ന സമ്മാനദാന ചടങ്ങിലേക്ക് ഏവരേയും പ്രത്യേകം ക്ഷണിക്കുന്നു,